వరుస చిత్రాలతో క్రేజీ కొరియోగ్రాఫర్ గా దూసుకెళ్తున్న పొలాకి విజయ్

550

టాలెంట్ ఉంటే ఫిల్మ్ ఇండస్ట్రీ నెత్తిన పెట్టుకుంటుంది. మన స్టార్స్ నుంచి ఎంకరేజ్ మెంట్ కు కొదవేం ఉండదు. అలా ఈ మధ్య అల్లు అర్జున్, సమంత లాంటి స్టార్స్ తో ప్రశంసలు అందుకుంటున్నారు యంగ్ కొరియోగ్రాఫర్ విజయ్ పోలంకి. ప్యాన్ ఇండియా సెన్సేషన్ పుష్ప ఫంక్షన్ లో ఐకాన్ స్టార్ అల్లు అర్జున్ కొరియోగ్రాఫర్ విజయ్ పోలంకి గురించి ప్రశంసిస్తూ మాట్లాడారు. అలాగే పుష్ప లో సమంత చేసిన ఊ అంటావా, ఉ ఉ అంటావా సాంగ్ కు కూడా విజయ్ పొలంకి యే డాన్స్ మాస్టర్. ఇతని వర్క్ సమంతా కు బాగా నచ్చింది.అందుకే బెస్ట్ విశెస్ చెబుతూ ఎంకరేజ్ చేసింది.

రీసెంట్ గా పలాస 1978 లో పెద్ద హిట్ అయిన నక్కిలీసు గొలుసు సాంగ్ విజయ్ కి పెద్ద పేరు తెచ్చి పెట్టింది. ఆ సాంగ్ ఎంత పెద్ద హిట్ అయిందో అందరికి తెలిసిందే. అలాగే విజేత, కొబ్బరిమట్ట, శశి లాంటి అనేక చిత్రాలకు బ్యూటిఫుల్ కొరియోగ్రఫీ చేసి మంచి పేరు తెచ్చుకున్నాడు విజయ్ పోలంకి. ఇటీవల పుష్పతో పాటు గల్లా అశోక్ హీరో చిత్రానికీ నృత్యాలు అందించారు. హీరో సినిమాలో రోల్ రిడా పాడిన డోనల్ డగ్గు ర్యాప్ సాంగ్ కు విజయ్ కంపోజ్ చేసిన అదిరే స్టెప్పులకు మంచి పేరొస్తోంది. త్వరలో నరకాసురతో పాటు మరికొన్ని క్రేజీ ప్రాజెక్ట్ లకు పనిచేయబోతున్నారు విజయ్ పోలంకి. ఈ యంగ్ కొరియోగ్రాఫర్ స్పీడ్ చూస్తుంటే ఫ్యూచర్ లో స్టార్ కొరియోగ్రాఫర్ అయ్యే అవకాశాలు కనిపిస్తున్నాయి.