కోట బొమ్మాళి పీఎస్ చిత్రం నుంచి విడుద‌లైన లింగి లింగి లింగిడి అంటూ సాగిన శ్రీకాకుళం మాస్ జానపద పాటకు కొన్ని కోట్ల వ్యూస్ లభించడంతో పాటు సోషల్ మీడియాలో వైరల్ గా మారి ప్రేక్షకుల్లో ఆసక్తిని పెంచింది. ఇటీవ‌లే ఈ పాట 30 మిలియ‌న్స్ వ్యూస్ ను పూర్తి చేసుకున్న సంద‌ర్భంగా చిత్రయూనిట్ సెల‌బ్రేష‌న్ నిర్వ‌హించింది. 30 మిలియ‌న్స్ కేక్‌ను ఈ సంద‌ర్భంగాక‌ట్ చేసి త‌మ సంతోషాన్ని వ్య‌క్తం చేసింది చిత్ర‌బందం. తెలుగులో ఇటీవ‌ల ఎన్నో బ్లాక్‌బ‌స్ట‌ర్ చిత్రాల‌ను అందించిన
గీతా ఆర్ట్స్ 2 సంస్థ. GA2 పిక్చర్స్ బ్యానర్ మలయాళ సూపర్ హిట్ నాయాట్టు కి రీమేక్ గా *కోట బొమ్మాళి పీఎస్* ను నిర్మించింది ఈ సినిమాకి నిర్మాతలుగా బన్నీ వాస్, విద్యా కొప్పినీడి వ్యవహరిస్తున్నారు.తేజ మార్నిదర్శకుడు. శ్రీకాంత్ మేక ప్రధాన పాత్రలో నటిస్తున్న ఈ సినిమాలో వరలక్ష్మి శరత్కుమార్ ప్రత్యేక పాత్రలో నటిస్తోంది. రాహుల్ విజయ్, శివాని రాజశేఖర్ కీలక పాత్రలు పోషిస్తున్నారు.
ఈ 30 మిలియ‌న్స్ సెల‌బ్రేష‌న్ వేడుక‌లో పాల్గొన్న బన్నీవాస్ మాట్ల‌డుతూ లింగి లింగి లింగిడి పాటకు వ‌చ్చిన స్పంద‌న అనూహ్యం. సోషల్ మీడియాలో వైర‌ల్‌గా వున్న ఈ పాట భ‌విష్య‌త్ లో మ‌రింత ఆద‌ర‌ణ నోచుకుంటుంది. ఇటీవ‌ల విడుద‌లైన టీజ‌ర్‌కు చ‌క్క‌ని స్పంద‌న వ‌స్తోంది. త‌ప్ప‌కుండా మా చిత్రానికి ప్రేక్ష‌కులు విజ‌యాన్ని అందిస్తార‌నే న‌మ్మ‌కం వుంది అన్నారు.
పాట 30 మిలియ‌న్స్ వ్యూస్ సాధించ‌డం త‌మ‌కెంతో ఆనందంగా వుంద‌ని, హీరో రాహుల్ విజయ్, హీరోయిన్ శివాని, నిర్మాత బన్నీవాస్, విద్యా కొప్పినీడి, దర్శకుడు తేజ మార్ని త‌మ ఆనందాన్ని వ్య‌క్తం చేస్తూ ప్రేక్ష‌కుల‌కు త‌మ థ్యాంక్స్ తెలియ‌జేశారు. న‌వంబ‌రు 24న ఈ చిత్రం ప్ర‌పంచ‌వ్యాప్తంగా విడుదల కానుంది.
తారాగణం: శ్రీకాంత్ మేక, వరలక్ష్మి శరత్కుమార్, రాహుల్ విజయ్, శివాని రాజశేఖర్ మరియు అనేక ఇతర ప్రముఖ నటీనటులు
సాంకేతిక సిబ్బంది:
దర్శకుడు: తేజ మార్ని
ప్రొడక్షన్: GA2 పిక్చర్స్
నిర్మాతలు: బన్నీ వాస్, విద్యా కొప్పినీడి
సహ నిర్మాతలు: భాను ప్రతాప, రియాజ్ చౌదరి
డోప్: జగదీష్ చీకాటి
డైలాగ్స్: నాగేంద్ర కాశి
ఎడిటర్: కార్తీక శ్రీనివాస్ ఆర్
ఆర్ట్ డైరెక్టర్: గాంధీ నడికుడికర్
సంగీత దర్శకుడు: రంజిన్ రాజ్, మిధున్ ముకుందన్
ఎగ్జిక్యూటివ్ ప్రొడ్యూసర్: అజయ్ గద్దె
కాస్ట్యూమ్ డిజైనర్: అపూర్వ రెడ్డి
కో-డైరెక్టర్: రామ్ నరేష్
