డైరెక్టర్ గా తనకంటూ స్పెషల్ ఇమేజ్ క్రియేట్ చేసుకున్న తరుణ్ భాస్కర్.

840

పెళ్లి చూపులు తో డైరెక్టర్ గా తనకంటూ స్పెషల్ ఇమేజ్ క్రియేట్ చేసుకున్న తరుణ్ భాస్కర్.. ఇప్పుడు హీరోగా మీకు మాత్రమే చెప్తా అంటున్నాడు. నవంబర్ 1 న సినిమా విడుదల కానున్న నేపథ్యం లో తరుణ్ మీడియాతో ముచ్చటించారు.

విజయ్ ఫోన్ చేసి తరుణ్ నువ్వే హీరో అంటే నమ్మారా?
అస్సలు నమ్మలేదు. జోక్ చేయకురా అన్నాను. నిజంగానే ఈ సినిమాకి నీలాంటి వాడే కావాలని పట్టు బట్టి మరీ ఒప్పించాడు నన్నువిజయ్. తాను చేయాలంటే ప్రెజెంట్ తనకి డేట్స్ ఖాళీ లేవు, అలా అని సినిమా ని వదిలేదమ్మా అంటే వేరే ఇండస్ట్రీ కి ఈ స్టోరీ ని ఇచ్చేయడం విజయ్ కి ఇష్టం లేక ఓకే చేసాడు.

ఈ సినిమా కోసం ఏమైనా కష్టపడ్డారా?
ముందు నువు ఎలా ఉన్నవో అలా ఉంటే చాలు అన్నాడు కానీ షూటింగ్ స్టార్ట్ అయ్యే ముందు ఒరేయ్ కొంచెం తగ్గాలిరా నువ్వు అన్నాడు. ఎలాగూ నేను కూడా తర్వాతి సినిమా కోసం రీసెర్చ్ చేస్తూ ఖాళీ గానే ఉన్న.. టైం దొరికింది, కష్టపడి తగ్గా.

డైరక్టర్ నుంచి హీరో గా మారారు.. భయం వేయలేదా రాంగ్ స్టెప్ ఏమో అని?
నేను చాలా క్లారిటీ గా ఉన్నా ముందు నుంచి. సెట్ లో కూడా అసిస్టెంట్ డైరెక్టర్స్ కి హెల్ప్ చేస్తా. వేరే సినిమా సెట్స్ కి వెళ్ళి కొత్త విషయాలు నేర్చుకుంటుంటా. కానీ డైరెక్షన్ అనేది నా ప్యాషెన్. నేను ఏ పనైనా చేస్తా.

ముందు ఈ సినిమా కథ విన్నప్పుడు ఎలా అనిపించింది..?
కథ వింటున్నప్పుడు నాకు తెలీదు ఈ సినిమా లో నేనొక రోల్ ప్లే చేస్తానని. విజయ్ దగ్గరకి స్టోరీ వచ్చింది , వచ్చి వినమంటే ఫ్రెండ్లీ నేచర్ తో వెళ్లి 2 గంటలు కథ విన్నా. వినగానే చెప్పా చాలా రెలెవెంట్ గా బావుంది విజయ్ కథ.. మంచి సీన్స్ తో బాగా రాసాడు అని చెప్పా.

ఇన్ని రోజులు డైరెక్టర్ గా వెనుక నుంచి ప్రొమోషన్స్ చేసారు. ఇప్పుడు డైరెక్ట్ గా చేస్తున్నారు. ఎలా అనిపిస్తుంది?
చాలా టైర్డ్ గా అనిపిస్తుంది. కాకపోతే అలవాటు అయినా విషయమే కదా. పెళ్లి చూపులు టైం లో కూడాకొత్త కాబట్టి ప్రొమోషన్స్ కోసం చాలా ఇంటర్వూస్ ఇవ్వాల్సొచ్చింది. అలా అలవాటుంది. ఇక ఇప్పుడు అంటే నా బాధ్యత.

డైరెక్టర్ తో వర్కింగ్ ఎలా ఉంది? ఎక్సపీరియెన్సుడా?
తాను తీసే జోనర్ లో తనకి చాలా అనుభవముంది.

విజయ్ ఫస్ట్ నుంచి మీకు తెలుసు. అప్పటికి ఇప్పటికి ఒకేలా ఉన్నాడా?
అప్పటికి ఇప్పటికి అంతే ఉన్నాడు. అప్పుడు మాములుగా కష్టపడ్డాడు, ఇప్పుడు ఏసీ రూమ్ లో ఉంది కష్ట పడుతున్నాడు. అంతే తప్పించి మిగిలినదంతా ఒకటే.

హీరో గా చేయటం ఎలా అనిపించింది?
బేసిక్ గా నేను చాలా ఇంట్రావర్ట్ ని. ఎవరితో పెద్దగా మాట్లాడటానికి ముందుకు రాను. ఇప్పుడు ఖచ్చితంగా మాట్లాడాల్సిన పరిస్థితి. ఇది నాకు కెరీర్ లో పెద్ద గ్రోత్.

మీ ఇంట్లో వాళ్ళు ఎలా రిసీవ్ చేసుకున్నారు?
చుట్టాలు ఏమంటారో అని ముందు నేనే వద్దనుకున్నా. ఫిదా సినిమా లో మా అమ్మ కి రోల్ వచ్చినప్పుడు నేనొక్కటే చెప్పా నీకు అనిపించింది చేయమ్మా ఎవరేమనుకున్నా నీ ఇష్టం నీకు ముఖ్యం. నువ్వు ఎన్ని రోజులుంటావో ఎవరికీ తెలీదు ఇప్పుడు కూడా కాంప్రమైజ్ రావాల్సిన అవసరం లేదు అని. ఇప్ప్పుడు ఈ సినిమా విషయం లో మా అమ్మ నాకు అదే ధైర్యం ఇచ్చి నీకు నచ్చింది చెయ్ అని చాలా సపోర్ట్ చేసింది. మొన్న ప్రివ్యూ చూసేటప్పుడు కూడా చాలా భయపడుతూ చూసింది చూసాక చాలా నచ్చింది. అమ్మ హ్యాపీ ఈ విషయం లో .

మీ వైఫ్ ఎలా ఫీల్ అయ్యారు?
కొన్ని రోజులు మాట్లాడలేదు. మహానటి, ఫలకనామ దాస్ సినిమాలకి అయితే తాను చాలా సపోర్ట్ చేసింది. కానీ ఈ రోల్ అంటే కొంచెం ఫాలోయింగ్ ఉంటది అనుకుని కొంచెం భయపడింది. తర్వాత అర్ధం చేసుకుంది ఈ సినిమాకి నా కాస్ట్యూమ్స్ కూడా తనే చూసుకుంది. తర్వాత ఏమైనా సినిమాలు చేసినా కూడా తాను నన్ను సపోర్ట్ చేస్తుంది. షి ఈజ్ హ్యాపీ.

ట్రైలర్ లో చూసినట్లు రియల్ లైఫ్ లో కూడా అబద్దాలు చెప్పారా?
అది ఎప్ప్పుడు ఉండేదేగా. నేనే కాదు ప్రతి ఒక్కరూ చెప్తారు.

పెళ్లి చూపులు, ఈ నగరానికి ఏమైంది రెండు సినిమాలు ఒక గ్రాఫ్ ని సెట్ చేసాయి. కానీ పెళ్లి చూపులు సినిమాలా ఈ నగరానికి ఏమైంది హిట్ అవలేదు అంటారు మీరెలా చూస్తారు దీన్ని?
నా పరంగా రెండు మంచి సక్సెస్ లే. పెళ్లి చూపులు 60 లక్షలుతో తీస్తే 40 కోట్లు వచ్చాయి. ఈ నగరానికి ఏమైంది 2 కోట్లుతో తీస్తే 15 కోట్లు వచ్చాయి.. అల్టిమేట్ గా మనం పెట్టిన డబ్బులు వస్తే సినిమా హిట్ అయినట్లే. కానీ తెలియకుండా రెండిటికి కలిపి ఒక లైన్ సెట్ చేసారు.

సురేష్ ప్రొడక్షన్స్ లో స్ట్రక్ అయ్యారనిపిస్తుందా?
వాళ్ళే నాతో స్ట్రక్ అయ్యారనిపిస్తుంది. ఇవాళ కూడా సురేష్ బాబు గారు ఫోన్ చేసారు. ఏంటి సార్ కోపం గా ఉన్నారా అంటే లేదయ్యా నువ్వు నాకు స్టోరీ ఇవ్వు అది చాలు అన్నారు. నేనైతే కంప్రమైజ్ అయ్యి రాయలేను టైం తీసుకుని రీసెర్చ్ చేసి స్టోరీ రెడీ చేసుకోవాలి. అన్హుకే కొంచెం టైం పడుతుంది.

ఈ సినిమా తర్వాత హీరోగా కంటిన్యూ చేస్తారా?
లేదండి. నిజం చెప్పాలంటే నాకు డైరెక్షన్ వల్లే ఎక్కువ డబ్బులొస్తాయి. దానికి తోడు ఇంకా చాలా కథలున్నాయి వాటిని పాతబడే లోపు రెడీ చేసుకుని సినిమాలు చేయాలి. వరుసగా మూడు ప్లాప్ లు వస్తే అప్పుడు మల్లి యాక్టింగ్ సైడ్ చూస్తా తప్పించి ప్రస్తుతానికైతే అలాంటి ఆలోచనలేమి లేవు.

వెంకీ తో మూవీ గురించి?
అవుతుంది. స్పోర్ట్స్ డ్రామా అనుకుంటున్నా కానీ ఇంకా రీసెర్చ్ చేయాలి టైం పడుతుంది కొంచెం.