వరస విజయాలతో దూసుకుపోతున్న ప్రతిష్టాత్మక నిర్మాణ సంస్థ గీతా ఆర్ట్స్ 2. ఈ సంస్థ నుంచి ఇప్పటి వరకు వచ్చిన భలే భలే మగాడివోయ్, గీత గోవిందం, టాక్సీ వాలా, ప్రతిరోజూ పండగే, మోస్ట్ ఎలిజిబుల్ బ్యాచ్‌లర్ అద్భుతమైన విజయాలు అందుకున్నాయి. ఈ నిర్మాణ సంస్థలో సినిమా అంటే పక్కా హిట్ అనే నమ్మకాన్ని ప్రేక్షకుల్లోనూ కలిగించారు నిర్మాతలు. తాజాగా గీతా ఆర్ట్స్ 2 నిర్మాణ సంస్థ నుంచి ప్రొడక్షన్ నెం 7గా కిరణ్ అబ్బవరం హీరోగా ఓ సినిమాకు ముహూర్తం పెడుతున్నారు. మెగా నిర్మాత అల్లు అరవింద్ సమర్పణలో వస్తున్న ఈ సినిమా ముహూర్త కార్యక్రమాలు జనవరి 7 ఉదయం 10.19 నిమిషాలకు ఫిల్మ్ నగర్ దైవ సన్నిధానంలో జరగనున్నాయి. హీరో కిరణ్ అబ్బవరంకు కూడా ఇది 7వ సినిమా కావడం గమనార్హం. సినిమాకు సంబంధించిన మరిన్ని వివరాలు చిత్రయూనిట్ తెలియజేయనున్నారు.
నటీనటులు: కిరణ్ అబ్బవరం
టెక్నికల్ టీమ్:
నిర్మాణ సంస్థ: జీఏ 2 పిక్చర్స్
సమర్పణ: అల్లు అరవింద్
