కవిత పెద్దినేని సమర్పణలో ప్రసాద్ రావు పెద్దినేని నిర్మాతగా హరిప్రసాద్ జక్కా దర్శకత్వంలో తెరకెక్కుతున్న సినిమా ప్లే బ్యాక్. ఈ చిత్ర టీజర్ లాంచ్ కార్యక్రమంలో దర్శకుడు సుకుమార్ తో పాటు చిత్ర యూనిట్ సభ్యులు పాల్గొన్నారు.
ఈ సందర్బంగా డైరెక్టర్ సుకుమార్ మాట్లాడుతూ…
చిన్న సినిమాలు బాగా ఆడుతున్న రోజులివి. ఈ సినిమాలో పనిచేసిన అందరికి బెస్ట్ విషెస్ తెలువుతున్నాను. కమ్రాన్ మ్యూజిక్ ఈ సినిమాకు హైలెట్ అవుతుంది. కెమెరామెన్ బుజ్జి తక్కువ టైమ్ లో బాగా తీశాడు. నేను చెయ్యలనున్న కథ ఈ ప్లే బ్యాక్, చాలా డిఫరెంట్ కాన్సెప్ట్ ఇది. హిట్ ఆయే ఎలిమెంట్స్ అన్ని ఈ సినిమాలో ఉన్నాయి. హరిప్రసాద్ కు ఈ సినిమా మంచి పేరు తెచ్చి పెడుతుంది అన్నారు.
డైరెక్టర్ హరి ప్రసాద్ మాట్లాడుతూ…
హీరో దినేష్ తేజ్ కష్టపడి చేశాడు, అనన్య కథ విని వెంటనే ఒప్పుకుంది. డిఫరెంట్ వెరీయేషన్స్ లో ఈ అమ్మాయి నటించింది. పెద్ద కథను కేవలం 35 రోజుల్లో పూర్తి చేశాను, అందుకు కారణం కెమెరామెన్ బుజ్జి. ఎడిటర్ నాగేశ్వర్ రెడ్డి బొంతల ఈ సినిమాను అర్థం చేసుకొని బాగా కట్ చేశాడు. టీవీ 5 మూర్తి మా సినిమాలో మంచి పాత్ర చేశాడు. సుకుమార్ నాకు తమ్ముడు, నేను సుకుమార్ 25 ఏళ్లుగా ఫ్రెండ్స్. మీడియా సపోర్ట్ తో ఈ సినిమా మరింత ఎక్కువ ప్రేక్షకులకు చేరువవుతుంది అనుకుంటున్నట్లు తెలిపారు.
క్రియేటివ్ ప్రొడ్యూసర్ డీజె.రాజు మాట్లాడుతూ…
మీడియా వారికి, సుకుమార్ గారికి థాంక్స్. అందరికీ కనెక్ట్ అయ్యే అంశాలు ఈ సినిమాలో ఉన్నాయి. మా సినిమా టీజర్ నచ్చితే మీరందరూ సపోర్ట్ చెయ్యండి. డైరెక్టర్ హరి రాసుకున్న థ్రిల్లింగ్ పాయింట్ ను కెమెరామెన్ బుజ్జి అందంగా తెరమీద చూపించారు. అనన్య, అర్జున్ కళ్యాణ్, స్పందన, ఐశ్వర్య పాండే, దీప్తి, టీవీ 5 మూర్తి, ఆనంద చక్రపాణి బాగా నటించారు. ఎడిటర్ బొంతల నాగేశ్వర్ రెడ్డి బాగా కట్ చేసాడు, టైమ్ ట్రావెల్ కాన్సెప్ట్ ను హరి ప్రసాద్ గారు చక్కగా చూపించారన్నారు.
హీరో దినేష్ తేజ్ మాట్లాడుతూ…
మా సినిమా టీజర్ ఫంక్షన్ కు సుకుమార్ గారు రావడం సంతోషం. నాకు డైరెక్టర్ ఫస్ట్ నరేషన్ ఇచ్చినప్పుడే నచ్చింది. నా కెరీర్ కు ఈ సినిమా ఒక మైల్ స్టోన్ అవుతుంది అనుకుంటున్నాను. మా చిత్రంలో నటించిన అందరూ నటీనటులు, టెక్నీషియన్స్ కు థాంక్స్ తెలుపుతున్నాను. మా సినిమాకు ఆడియన్స్ సపోర్ట్ కావాలని కోరారు.
