నిర్మాణ సంస్థ, డిస్ట్రిబ్యూషన్ కంపెనీ ప్రైమ్ షో ఎంటర్టైన్మెంట్ వైవిధ్య‌మైన క‌థా చిత్రాల‌తో ప్రేక్షకులను ఎంట‌ర్‌టైన్ చేయ‌డానికి సిద్ధ‌మ‌వుతుంది. ఈ క్రమంలో ఈ బ్యాన‌ర్‌లో తొలి చిత్రంగా ‘హౌస్ అరెస్ట్’ ప్రేక్ష‌కుల ముందుకు రాబోతుంది. థియేట‌ర్స్‌లో ఆగ‌స్ట్ 27న విడుదలవుతున్న ఈ సినిమాలో శ్రీనివాస్ రెడ్డి, స‌ప్త‌గిరి, అదుర్స్ ర‌ఘు, ర‌విప్ర‌కాశ్‌, ర‌విబాబు, తాగుబోతు ర‌మేవ్‌, ఫ్ర‌స్టేటెడ్ సునైన, కౌశిక్ తదితరులు ప్ర‌ధాన పాత్ర‌ల్లో న‌టించారు. శేఖ‌ర్ రెడ్డి ఎర్రా ద‌ర్శ‌క‌త్వంలో ప్రైమ్ షో ఎంటర్టైన్మెంట్ బ్యానర్‌పై కె.నిరంజన్ రెడ్డి ఈ సినిమాను నిర్మిస్తున్నారు. మంగ‌ళ‌వారం ఈ సినిమా ప్రీ రిలీజ్ ఈవెంట్ జ‌రిగింది. ఈ కార్య‌క్ర‌మంలో ప్ర‌శాంత్ వ‌ర్మ రామ్ ప్ర‌సాద్‌, చంద్ర‌మ‌హేశ్‌, అశోక్ రెడ్డి, ఎన్‌.శంకర్, చందు రెడ్డి తదితరులు పాల్గొని బిగ్ టిక్కెట్టుని విడుదల చేశారు. ఈ సందర్భంగా…
డైరెక్ట‌ర్ శేఖ‌ర్ రెడ్డి ఎర్రా మాట్లాడుతూ ‘‘‘90 ఎం.ఎల్‌’ త‌ర్వాత హౌస్ అరెస్ట్ అనే సినిమా చేయ‌డానికి కార‌ణం అనూప్ రూబెన్స్‌. నా త‌ల్లిదండ్రుల‌కు, నా సినిమా గురువు చంద్ర మ‌హేశ్‌గారికి, డైరెక్ట‌ర్‌గా జ‌న్మ‌నిచ్చిన హీరో కార్తికేయ‌గారికి, నిర్మాత అశోక్ రెడ్డిగారికి ధ‌న్య‌వాదాలు. వారికెప్పుడూ రుణ‌ప‌డి ఉంటాను. ఈ జ‌న‌రేష‌న్‌లో పిల్ల‌లు ఎంత తెలివిగా ఆలోచిస్తున్నారు. ఏదైనా స‌మ‌స్య వ‌చ్చిన‌ప్పుడు వారెలా రియాక్ట్ అవుతున్నారనే విష‌యాన్ని ఈ సినిమాలో చూపిస్తున్నాం. శ్రీనివాస్‌రెడ్డిగారు, స‌ప్త‌గిరిగారు, అదుర్స్ ర‌ఘుగారు, ర‌విబాబుగారు, ర‌విప్ర‌కాశ్‌గారు, కౌశిక్‌ల‌తో పాటు జాను, శివ, నేత్ర, రితేశ్‌, వ‌శీక‌ర్‌, ఆహా, ఖుషి వంటి చిన్న‌పిల్ల‌లు కూడా న‌టించారు. ఓ ఇంట్లోకి అర్ద‌రాత్రి దొంగ‌లు ప‌డ్డ‌ప్పుడు ఆ ఇంట్లోని పిల్ల‌లు వారినెలా ఆడుకున్నార‌నేదే ఈ సినిమా. యువరాజ్‌గారి సినిమాటోగ్ర‌ఫీ, అనూప్‌గారి మ్యూజిక్ సినిమాకు పెద్ద ఎసెట్ అవుతాయి. టీమ్‌లో ప్ర‌తి ఒక్క‌రూ రాత్రిప‌గ‌లు క‌ష్ట‌ప‌డ్డారు. ప్రైమ్ షో నిరంజన్ రెడ్డిగారు, ఎగ్జిక్యూటివ్ ప్రొడ్యూస‌ర్ అశ్రిన్ రెడ్డిగారు, చైత‌న్య‌గారు న‌మ్మ‌కంతో మ‌మ్మ‌ల్ని ముందుకు న‌డిపారు. ప్రైమ్ షో ఎంటర్టైన్మెంట్ నాకు పున‌ర్జ‌న్మ ఇచ్చారు. క‌థ విన‌గానే కొత్త‌గా ఉంద‌ని మంచి బ‌డ్జెట్‌తో సినిమా చేయ‌డానికి రెడీ అయ్యారు. నిర్మాతల వ‌ల్ల‌నే సినిమా ఇంత రిచ్‌గా క‌నిపిస్తుంది. పిల్ల‌ల గురించి చేసిన తారె జ‌మీన్ ప‌ర్‌, సీక్రెట్ సూప‌ర్‌స్టార్ వంటి సినిమాలు ఎంత పెద్ద హిట్ అయ్యాయో అంద‌రికీ తెలిసిందే. తెలుగులో పిల్ల‌ల సినిమాలు వ‌చ్చి 15 ఏళ్ల అవుతున్నాయి. చాలా గ్యాప్ త‌ర్వాత వ‌స్తున్న మంచి పిల్ల‌ల సినిమా ఇది. అన్ని వ‌ర్గాల ప్రేక్ష‌కులు చూసేలా సినిమా ఉంటుంది. ఆగ‌స్ట్ 27న విడుదలవుతున్న ఈ సినిమాను ప్రేక్ష‌కులు ఆశీర్వ‌దించాల‌ని కోరుకుంటున్నాను’’ అన్నారు.
శ్రీనివాస్ రెడ్డి మాట్లాడుతూ ‘‘చిన్న పిల్లలతో చేసిన హిలేరియస్ ఎంట‌ర్‌టైన‌ర్ మా హౌస్ అరెస్ట్. నిరంజన్ రెడ్డిగారు, అశ్రిత్ రెడ్డి, చైత‌న్య‌గారు మంచి టీమ్‌తో చ‌క్క‌టి ప్ర‌య‌త్నం చేశారు. ప్రైమ్ షో చేస్తున్న ఈ తొలి ప్రాజెక్ట్ చాలా పెద్ద హిట్ కావాలి. శేఖ‌ర్ రెడ్డిగారు సినిమాను చాలా బాగా తెర‌కెక్కించారు. సినిమాను బాగా ఎంజాయ్ చేస్తూ చేశాం. ఈ నెల 27న విడుదలవుతున్న ఈ చిత్రం, థియేట‌ర్స్‌లో ప్రేక్షకులను అరెస్ట్ చేస్తుంద‌ని అనుకుంటున్నాం’’ అన్నారు.
Pro: Vamsi – Shekar
9581799555 – 9553955385
