ఖమ్మం-నల్గొండ-వరంగల్ టీచర్ ఎమ్మెల్సీ స్వతంత్ర అభ్యర్థి తలకోల పురుషోత్తం రెడ్డి (సీరియల్ నం. 13) ఈరోజు “TEACHERS-2030 మానిఫెస్టో” ను హైదరాబాద్ సోమాజిగూడ ప్రెస్ క్లబ్ లో ఆవిష్కరించారు.
టీచర్ ఎమ్మెల్సీ ఎన్నికల చరిత్రలో ఇదే మొదటిసారి విస్తృత మైన విద్యా పరిపాలనా ప్రణాళిక రూపొందించబడిందిఅని వక్తలు అన్నారు . ఈ మానిఫెస్టో ద్వారా ఉపాధ్యాయ సంక్షేమం, విద్యా పరిరక్షణ, విద్యాసంస్థల అభివృద్ధి వంటి కీలక అంశాలకు సంబంధించి సమగ్ర కార్యాచరణ ప్రణాళిక ప్రతిపాదించబడింది..మేధావులు , టీచర్లు ఒకటికి నాలుగుసార్లు ఆలోచనచేసి మీసమస్యలను పరిష్కరించే స్వతంత్ర అభ్యర్టి పురుషోత్తం రెడ్డి తలకోల కు vote వేసి గెలిపించాలని కార్యక్రమంలో పాల్గొన్న వక్తలు కోరారు
✨ ప్రధాన అతిథి: డా. బి. విజయ్ కుమార్ – (మాజీ కార్యదర్శి, వరల్డ్ ఫెడరేషన్ ఆఫ్ టీచర్ యూనియన్స్) గ్లోబల్ విద్యా ప్రమాణాల ప్రాముఖ్యతను వివరించి, ఉపాధ్యాయుల సంక్షేమానికి కట్టుబడి ఉన్న ఈ మానిఫెస్టోను అభినందించారు.
🏅 గౌరవ అతిథి:
డా. ఈ. రాజి రెడ్డి – పరిశోధన ఆధారిత విద్యా విధానం, పరిశ్రమ-విద్యా రంగ అనుసంధానాన్ని బలోపేతం చేయడం అవసరమని వివరించారు.
🔹 ప్రొ. రేఖా రావు – డిజిటల్ విద్య, పారదర్శక నియామక విధానం, ఆధునిక హంగులతో కూడిన పాఠశాలల అభివృద్ధి గురించి ఆమె అభినందన వ్యక్తం చేశారు.
💠 విశిష్ట అతిథులు:
🔹 మారం బిక్షం రెడ్డి – నైతిక విద్యా విలువలు, ఉపాధ్యాయ సాధికారత గురించి మాట్లాడారు.
🔹 ఏచూరి భాస్కర్ – (చైర్మన్, IBC Aurater) కౌశల్యాధారిత విద్య, వృత్తిపరమైన శిక్షణ ప్రాధాన్యతను వివరించారు.
🔹 రుద్ర రాజేష్ –కళలు, సృజనాత్మకతను విద్యా ప్రణాళికలో భాగం చేసుకోవాల్సిన అవసరాన్ని నొక్కి చెప్పారు.
“TEACHERS-2030” మానిఫెస్టో ముఖ్యాంశాలు
✅ పాత పెన్షన్ పథకం (OPS) పునరుద్ధరణ & CPS రద్దు
✅ PRC ప్రకారం 53% ఫిట్‌మెంట్ అమలు & DA చెల్లింపు
✅ ఔట్‌సోర్స్డ్ & ఒప్పంద ఉపాధ్యాయుల ప్రామాణికీకరణ
✅ పారదర్శక విశ్వవిద్యాలయ నియామక విధానం & స్వాయత్తత
✅ అధునాతన మౌలిక వసతులు: డిజిటల్ తరగతులు, స్మార్ట్ ల్యాబ్‌లు, లైబ్రరీలు
✅ ప్రైవేట్ ఉపాధ్యాయ సంక్షేమం: కనీస వేతనం, ఉద్యోగ భద్రత, సంక్షేమ బోర్డు ఏర్పాటు
✅ విద్యార్థుల అభివృద్ధి: ఉచిత విద్యా ప్రోత్సాహకాలు, నైపుణ్యాభివృద్ధి, వృత్తిపరమైన శిక్షణ
తలకోల పురుషోత్తం రెడ్డి మాట్లాడుతూ, మానిఫెస్టోలో పొందుపరిచిన అన్ని హామీలను పద్ధతిగా, దశలవారీగా అమలు చేయనున్నట్లు ప్రకటించారు. ఉపాధ్యాయులు, విద్యావేత్తలు, ప్రజలు ఈ ఉద్యమంలో భాగస్వాములు కావాలని, తెలంగాణ విద్యా రంగాన్ని పారదర్శకత, పురోగతి, ఉపాధ్యాయ కేంద్రీకృత విధానాలతో నూతన శిఖరాలకు తీసుకెళ్లాలని పిలుపునిచ్చారు.
“ఉపాధ్యాయులు, విద్యారంగ ప్రముఖులు, విద్యార్థుల సమగ్ర మద్దతుతో తెలంగాణను భారతదేశంలో నం.1 విద్యారాష్ట్రంగా తీర్చిదిద్దలని పురుషోత్తం రెడ్డి తలకోల అన్నారు
