కొండా మురళి, కొండా సురేఖ దంపతుల జీవిత కథ ఆధారంగా రూపొందిన సినిమా ‘కొండా’. రామ్ గోపాల్ వర్మ దర్శకుడు. కొండా మురళి పాత్రలో త్రిగుణ్‌, సురేఖ పాత్రలో ఇర్రా మోర్ నటించారు. శ్రేష్ఠ పటేల్ మూవీస్ పతాకంపై సినిమా రూపొందింది. కొండా సుష్మితా పటేల్ నిర్మాత. జూన్ 23న సినిమా విడుదల కానుంది. ఈ సందర్భంగా వర్మతో ఇంటర్వ్యూ…
ప్రశ్న: హాయ్ ఇర్రా మోర్! మీ గురించి చెప్పండి
మాది ఆగ్రా, ఉత్తర ప్రదేశ్. నటనపై ఆసక్తితో 2017లో ముంబై చేరుకున్నా. మొదట థియేటర్‌లో చేరాను. ఏడాదిన్నర పాటు హిందీ నాటకాల్లో పాత్రలు పోషించా. నార్త్ అంతా స్టేజి ప్లేస్ చేశా. ఆ తర్వాత సినిమాల్లో నటించాలని చాలా ఆడిషన్స్ ఇచ్చా. రామ్ గోపాల్ వర్మ గారి ఆఫీసుకు కూడా వెళ్లాను. ఆయన ‘భైరవగీత’ సినిమా కోసం ఆడిషన్ ఇవ్వమని అన్నారు. ఆ సినిమాకు వర్మ గారి శిష్యుడు సిద్ధార్థ్ దర్శకత్వం వహించారు. ఆ సినిమాతో నా కెరీర్ స్టార్ట్ అయ్యింది.
ప్రశ్న: ‘కొండా’లో అవకాశం ఎలా వచ్చింది?
‘భైరవగీత’ తర్వాత రెండు వెబ్ సిరీస్‌లు చేశా. లాక్‌డౌన్‌లో ఉండగా వర్మ గారు ‘కొండా’ సినిమా స్క్రిప్ట్ పంపారు. నాకు సురేఖమ్మ పాత్ర బాగా నచ్చింది. కాలేజీ జీవితం నుంచి రాజకీయ ప్రయాణం వరకూ ఆమె జీవితంలో ఎన్నో ఎత్తుపల్లాలు ఉన్నాయి. నటిగా పెర్ఫార్మన్స్‌కు స్కోప్ ఉన్న రోల్. అందులో నటించగలనని వర్మగారు అనుకోవడం నా అదృష్టం.
ప్రశ్న: క్యారెక్టర్ కోసం ఎలాంటి హోమ్ వర్క్ చేశారు?
స్క్రిప్ట్ చదివాక… యూట్యూబ్‌లో ఆమె వీడియోస్ చూశా. లాక్‌డౌన్‌ కారణంగా అప్పట్లో సురేఖమ్మతో మాట్లాడటం కుదరలేదు. ఆ తర్వాత మా ఇంట్లో లుక్ టెస్ట్ చేశా. శారీ కట్టుకుని చూశా. ఆమె రాజకీయ నాయకురాలు కూడా! అందువల్ల, ఎటువంటి దుస్తులు వేసుకోవాలి? ఏవి వేసుకోకూడదు? అని డిస్కస్ చేసుకున్నాం. వర్మ గారితో మాట్లాడి సురేఖమ్మ గురించి తెలుసుకున్నా. ఆ తర్వాత ఆమెతో మాట్లాడాను. ముఖ్యంగా ఇంటర్వ్యూల్లో ఎలా మాట్లాడేవారు? అనేది చూశా. ఆవిడను కాపీ చేయాలనుకోలేదు. నా శైలిలో నటించా. కానీ, ఆవిడ వ్యక్తిత్వం పాత్రలో కనిపించేలా చూసుకున్నా.
ప్రశ్న: రామ్ గోపాల్ వర్మతో వర్కింగ్ ఎక్స్‌పీరియ‌న్స్‌?
ఇంతకు ముందు వర్మ ప్రొడక్షన్ హౌస్‌లో నటించా. ‘భైరవగీత’ చేశాను. ఇప్పుడు ఆయన దర్శకత్వంలో నటించా. ప్రతి సన్నివేశాన్ని ఆయన దగ్గరుండి తీశారు. నటీనటుల నుంచి ఏం తీసుకోవాలో ఆయనకు బాగా తెలుసు. వెరీ క్లియర్. అలాగే, ఆయన మేకింగ్ ఫాస్ట్‌గా ఉంటుంది.
ప్రశ్న: సినిమాలో ఒక పాత్ర చేయడం వేరు, బయోపిక్ చేయడం వేరు. మీరు ఈ సినిమా ద్వారా ఏం నేర్చుకున్నారు? ఏం గమనించారు?
బయోపిక్ అంటే ఈ ప్రపంచంలో ఉన్న మనిషి జీవితాన్ని వెండితెరపై ఆవిష్కరించడం! మనం లుక్స్ పరంగా మార్పులు చేయవచ్చు. మనిషిని పోలిన మనిషిని తీసుకు రావడం కష్టం కదా! అయితే… క్యారెక్టర్ పరంగా ఎటువంటి మార్పులు చేయలేం. అందువల్ల, చాలా జాగ్రత్తలు తీసుకోవాలి.
ప్రశ్న: సురేఖ గారికి, మీ వ్యక్తిగత జీవితానికి ఏమైనా సారూప్యతలు ఉన్నాయా?
సురేఖ వెరీ స్ట్రాంగ్ లేడీ. జీవితంలో ఆవిడ ఎన్నో మంచి పనులు చేశారు. ఆవిడ కఠిన పరిస్థితులను తట్టుకుని నిలబడ్డారు. నా జీవితం ఇప్పుడే మొదలైంది. మా ఇద్దరికీ చాలా వ్యత్యాసం ఉంది. ఆవిడతో కంపేర్ చేసుకోలేను. మా మధ్య ఉన్న ఒక్క కామన్ పాయింట్ ఏంటంటే… నేను కూడా స్ట్రాంగ్. భయపడకూడదని నా తల్లిదండ్రులు చెప్పారు.
ప్రశ్న: సినిమా చేసేటప్పుడు మీకు ఛాలెంజింగ్‌గా అనిపించిన విషయం ఏదైనా?
సురేఖమ్మ పబ్లిక్‌లో ఉన్న మనిషి. రాజకీయాల్లో ఉన్నారు. ఆమెకు ఓ ఇమేజ్ ఉంది. ఏ నటికి అయినా సరే ఆమెలా ఉండటం కష్టం. అయితే, సురేఖమ్మలా నటించి ప్రజల చేత గౌరవం సంపాదించుకోవడం ముఖ్యం. సినిమా చూశాక… ప్రేక్షకులు నన్ను గౌరవిస్తారని ఆశిస్తున్నాను.
ప్రశ్న: త్రిగుణ్‌తో వర్కింగ్ ఎక్స్‌పీరియ‌న్స్‌? కొండా మురళి పాత్రలో ఆయన ఎలా నటించారు?
త్రిగుణ్‌ వెరీ గుడ్ యాక్టర్. చాలా ఈజీగా పాత్రలోకి వెళతాడు. వెంటనే బయటకు వస్తారు. యాక్టింగ్ మీద ఎక్కువ ఫోకస్ చేస్తాడు. సెట్‌లో సీరియస్‌గా ఉంటాడు. కానీ, బయట సరదాగా ఉంటాడు.
ప్రశ్న: షూటింగ్ చేసేటప్పుడు, ఆ తర్వాత సినిమా చూసిన వాళ్ళు ఎవరైనా సురేఖ పాత్రలో బాగా నటించారని ప్రశంసించారా?
సురేఖమ్మ గారి అమ్మాయి సుష్మిత మా సినిమా ప్రొడ్యూసర్ కదా! ఆవిడను నేను ముందు కలవలేదు. ఒక నెల షూటింగ్ చేశాం. ఆ తర్వాత ఆవిడ రషెస్ చూశారు. ఫోన్ చేశారు. ఇంటర్వెల్ బ్లాక్‌లో కొండా మురళి గారిని షూట్ చేసే సన్నివేశం వస్తుంది. నిజంగా జరిగినప్పుడు సుష్మిత ఆయన దగ్గర ఉన్నారు. సినిమా
ప్రశ్న: సురేఖ గారితో మీ జర్నీ గురించి?
‘కొండా’ షూటింగ్ చేసేటప్పుడు వరంగల్‌లోని మురళి – సురేఖమ్మ గారి గెస్ట్ హౌస్‌లో ఉన్నాం. వాళ్ళ ఫ్యామిలీతో చాలా కలిసిపోయాం
